Қызылорда облысында аудандық сот төрағасы ұсталды
istockphoto.com
Қызылорда облысында аудандық сот төрағасы ұсталды: 22 қаңтар 2026, жаңалықтар Turkystan.kz
Ұлттық қауіпсіздік комитетінің қызметкерлері Қызылорда облысы Қазалы аудандық сотының төрағасы Дәурен Әбдіқалықовты ұстады, деп хабарлайды turkystan.kz.
Судьяның ұсталғаны жөніндегі ақпарат бұған дейін әлеуметтік желілерде тараған болатын. ҚазАқпарат агенттігінің мәліметінше, Қызылорда облысы Қазалы аудандық сотының төрағасы Дәурен Әбдіқалықов сыбайлас жемқорлық қылмыс жасады деген күдікке ілінген. Оның әрекеттеріне түпкілікті құқықтық баға тергеу рәсімдерінің қорытындысы бойынша беріледі.
Алдын ала мәлімет бойынша, тергеу алаяқтық үшін сотталып, шартты жаза алған ер адамның арызынан кейін басталған. Тергеу оның туыстары үкімді жеңілдету үшін судьяға 6 миллион теңге беруі мүмкін деген нұсқаны тексеріп жатыр.
Сондай-ақ жазаны өтеуден мерзімінен бұрын босатуға жәрдемдесу үшін қосымша 300 мың теңге берілуі мүмкін деген ақпарат та тексерілуде.
Қазалы аудандық сотының төрағасына қатысты сотқа дейінгі тергеп-тексеру жалғасуда. Қорытынды шешімдер тергеу және процессуалдық әрекеттердің нәтижелері бойынша қабылданады. Іс бойынша егжей-тегжейлі ақпарат ресми түрде жарияланбай отыр.
Толық нұсқасына гиперсілтеме беруді ұмытпаңыз: https://turkystan.kz/article/274977-qyzylorda-oblysynda-audandyq-sot-toragasy-ustaldy