«Ауа райы күрт бұзылады»: Қазгидромет қазақстандарға ескерту жасады

istockphoto

https://turkystan.kz/article/271937-aua-raiy-kurt-buzylady-qazgidromet-qazaqstandarga-eskertu-zasady
«Қазгидромет» РМК 29 қарашаға арналған ауа райы болжамын ұсынды. Синоптиктер еліміздің басым бөлігінде күн райының бұзылуына байланысты ескерту жариялады, деп жазады turkystan.kz.

Солтүстік Қазақстан облысының батысында, солтүстігінде, шығысында түнде қар жауып, күндіз жауын-шашын (жаңбыр, қар), көктайғақ болады. Өңірдің батысында, солтүстігінде, шығысында жаяу бұрқасын жүреді, сондай-ақ облыстың батысында, солтүстігінде тұман түседі. Облыстың батысында, солтүстігінде, шығысында оңтүстіктен, оңтүстік-батыстан жел соғады, екпіні 15-20 м/с-қа жетеді.

Қостанай облысының батысында, солтүстігінде көктайғақ, облыстың солтүстігінде, шығысында тұман болады. Оңтүстік-батыстан секундына 7-12 метр жылдамдықпен жел соғады, таңертең және күндіз облыстың солтүстігінде, шығысында соққан желдің екпіні 15-20 м/с-қа жетеді.

Күндіз Павлодар облысының батысында, солтүстігінде қар жауады, жаяу бұрқасын жүреді деп күтіледі. Облыстың батысында, солтүстігінде күндіз оңтүстік-шығыстан жел соғады, екпіні 15-20 м/с-қа жетеді.

Маңғыстау облысының солтүстігінде, шығысында және орталығында да тұман түседі.

29-30 қарашада түнде және таңертең Жетісу облысының таулы аудандарында тұман түсіп, солтүстік-шығыстан жел соғады, Алакөл көлдері ауданындағы екпіні 17-22 м/с-қа жетеді.

Ақмола облысының батысында, солтүстігінде, шығысында тұман түсіп, күндіз көктайғақ болады. Күндіз облыстың батысында, солтүстігінде оңтүстік-шығыстан оңтүстік-батысқа ойыса соққан желдің екпіні 15-20 м/с-қа жетеді

Түнде және таңертең Атырау облысының солтүстігінде, батысында, оңтүстігінде және орталығында да тұман түседі.

Батыс Қазақстан облысының батысында, солтүстігінде, шығысында тұман түседі, күндіз облыстың батысында, солтүстігінде көктайғақ болады.

Түнде және таңертең Абай облысының батысында, солтүстігінде, орталығында аздап қар жауып, жаяу бұрқасын жүреді. Сондай-ақ өңірдің оңтүстігінде, орталығында көктайғақ пен тұман болады. Облыстың оңтүстігінде, орталығында солтүстік-батыстан оңтүстік-шығысқа ойыса соққан желдің екпіні 15-20 м/с-қа жетеді.

Түнде және таңертең Шығыс Қазақстан облысының солтүстігінде, шығысында, оңтүстігінде қар жауады, жаяу бұрқасын жүреді, көктайғақ болады. Сондай-ақ облыстың солтүстігінде, шығысында тұман түседі. Облыстың оңтүстігінде, шығысында солтүстік-батыстан оңтүстік-шығысқа ойыса соққан желдің екпіні 15-20 м/с-қа жетеді.

Түнде және таңертең Қарағанды облысының оңтүстігінде, Түркістан облысының солтүстігінде, оңтүстігінде, таулы аудандарында тұман болады деп болжанады.

29-30 қарашада Жамбыл облысында тұман түсіп, облыстың солтүстік-шығысында, таулы аудандарында солтүстік-шығыстан жел соғады, екпіні 15-20 м/с-қа жетеді.

Толық нұсқасына гиперсілтеме беруді ұмытпаңыз: https://turkystan.kz/article/271937-aua-raiy-kurt-buzylady-qazgidromet-qazaqstandarga-eskertu-zasady