АУДАНЫМЫЗДЫҢ ҚАРИЯСЫ АРДАҚТАЛДЫ
Бүгін Сарысу ауданының Құрметті азаматы, бесінші және алтыншы шақырылған аудандық мәслихаттың депутаты, бесінші шақырылған аудандық мәслихат төрағасы, ұзақ жылдар Жайылма ауылдық округінің әкімі болып, ауылдық округтің дамуына сүбелі үлес қосқан — Болатбек Дондаұлы мерейлі 75 жасқа толып отыр.\
Мерейлі жас иесін аудан әкімі Сәкен Мамытов, Қазақстан Республикасының Құрметті депутаты, медицина саласының ардагері, Жаңатас қаласының алқа билер кеңесінің төрағасы Сағынбек Бегеев және аудандық мәслихат депутаты Қалдыбек Дузкенов мерейлі жасқа толып отырған Болатбек ағамыздың шаңырағында болып, туған күнімен құттықтады. Құттықтау барысында Болатбек ағамызға зор бақыт, қажымас қайрат тілеп, сый — сияпат жасады.Бүгінде ауылының қадірлі қариясына айналған еңбек ардагері жастарды өнегелі істермен айналысуға, үлгілі ұрпақ болып қалыптасуға шақырып, ауданымыздың дамуына зор еңбек сіңіруде. Өз кезегінде Болатбек Дондаұлы мерейлі жаста құттықтап келген қонақтарға алғысын білдіріп, ақ батасын берді.
Сарысу ауданы