Жаңаөзенде тұрғын үйде жарылыс болып, 11 адам зардап шекті. Бұл туралы ҚР Төтенше жағдайлар министрлігі хабарлады деп жазды turkystan.kz.
Ведомствоның мәліметінше, оқиға бүгін Астана уақытымен сағат 5-тер шамасында болған.
Жаңаөзен қаласындағы 2-шағынауданда екі кіреберістен тұратын 12 пәтерлі 2 қабатты тұрғын үйде газ жарылған. Оқиғаның салдарынан кіреберістің 150 шаршы метрі қираған.
Өрт болған жоқ, (үйдің жалпы ауданы 600 ш.м.). Алдын ала мәлімет бойынша, 11 адам зардап шеккен, олар медицина қызметкерлеріне тапсырылды. Болған оқиғаның себеп-салдары анықталуда.
«Оқиға орнын аршу жұмыстарына Маңғыстау облысы Төтенше жағдайлар департаментінен 50-ден астам құтқарушы, 10 техника, жедел медициналық көмек және жергілікті атқарушы органдардың қызметкерлері жұмылдырылды», – делінген хабарламада.
https://turkystan.kz/article/220071-zhanaozende-bolgan-zharylysta-11-adam-zardap-shekti/