Жамбыл облысы әкімдігінің жастар саясаты мәселелері басқармасының “Oi sheberi” атты зияткерлік ойынына жас отбасыларды қатысуға шақырамыз!
Жас отбасылар арасында отбасы және неке институтын нығайту;
Жастар арасында отбасы құндылығын насихаттау;
Әр жас отбасы арасында салт-дәстүрлер мен әдет-ғұрыптарды, ұмыт болып бара жатқан даналық сөздерді қайта жаңғырту;
Жас отбасылар арасындағы зияткерлік конкурстар арқылы білімді, саналы ұрпақ қалыптастыруға ықпал жасау.
Жоба шарттары мен тәртібі:
Зияткерлік конкурсқа 18 бен 35 жас аралығындағы түрлі саладағы және әртүрлі әлеуметтік топтағы жас отбасылар қатыса алады;
Жобаға жас жұбайлар қатысады;
Қатысушылар 6 адамнан (3 отбасыдан) тұратын топтарға бөлінеді;
Зияткерлік конкурс аясында түрлі сұрақтар мен логикалық есептерді шешу арқылы жеңімпаз анықталады, әр айналым кезеңі бойынша ұпайлар беріліп отырады;
Зияткерлік конкурс барысында телефон, смартфон, планшет, ноутбук, ғаламтор желісіне кіруге мүмкіндігі бар түрлі гаджеттер, кітаптар мен журналдар қолдануға болмайды.
Жомарт Зұлпыхар