«Арселор Миттал Теміртау» компаниясына қарасты Ленин атындағы шахтада қаза тапқандардың саны бес адамға жетті деп хабарлады turkystan.kz.
Қазір газдан уланған тағы төрт адам ауруханада жатыр.
«Ленин атындағы шахтада газдренаждық ұңғымаларды бұрғылау кезінде кенеттен газ таралған. Салдарынан шахтаның 5 қызметкері қаза тауып, 4 адам Шахтинск және Х.Мақажанов атындағы ауруханаға жатты», – дейді Қарағанды облысының әкімі Жеңіс Қасымбек.