Жамбыл облысы бойынша Қылмыстық-атқару жүйесі департаментіне қарасты №25 мекемеде сотталғандар арасында шахматтан турнир өтті. Спорттық шара Қазақстан Республикасының Тәуелсіздік күніне орай ұйымдастырылды.
Мекеме жасақтарынан сотталғандар қатысқан турнирде жазасын өтеушілер жоғары нәтиже көрсетіп, ой ұшқырлығын танытты.
Ақыл-ой аламанына қатысқан сотталғандар ойын тақтасы басында ойлау қабілеттері мен стратегиялық біліктерін сынға салды. Қызу да тартысты өткен жарыс барысында олар әдемі ойын өрнегін көрсетіп, бір-бірінен кем түспейтіндерін анық аңғартты. Десе де, «ойын тақтасындағы соғыс» барысында шын мықтылар іріктеліп шықты.
Өткізілген турнир қорытындысы бойынша жүлделі орындарға ие болған сотталғандар мекеме бастығының грамоталарымен марапатталды.