Шаһар басшысы Бақытжан Әмірбекұлының қала мәдениетіне байланысты тапсырмасына сәйкес, бүгін қала әкімінің орынбасары Қайрат Исмаилдың төрағалығымен «Тараз – мәдениет мекені» атты 2024-2026 жылдарға арналған Тұжырымдаманың іске асырылу барысы жөнінде кеңес өтті.
– Аталған тұжырымдаманың іс-шаралар жоспары 3-тараудан, 144 тармақшадан тұрады. Оның ішінде қалалық білім бөліміне қатысты 34, мәдениет және тілдерді дамыту бөліміне 41, тұрғын жай-коммуналдық шаруашылық, жолаушы көлігі және автомобиль жолдары бөліміне 16, кәсіпкерлік, өнеркәсіп және туризм бөліміне 16, басқа бөлімдерге 37 іс-шара бекітілді, – деген Бағлан Оңғарқызы қазіргі таңда барлық бөлім тарапынан ағымдағы жылға бекітілген іс-шаралар жоспарға сәйкес орындалып жатқанын жеткізді.