Шоқай ауылы тұрғындарының көптен бері айтылып жүрген өтініші орындалды.
Елді мекенде көше асфальттау жұмыстары жүргізілуде. Бүгінде жұмыстардың талапқа сай жасалуын Ақбастау ауылдық округінің әкімі Нұрсұлу Дүзеева қатаң бақылауға алған
– Ауыл азаматтары аудан әкімі Ерлан Қыдыралыұлымен өткен кездесуде Рұсқұлова мен Жалпанова көшелерін асфальттау қажеттігі жөнінде мәселе көтерген болатын. Біз жолдың жобалық-сметалық құжаттарын әзірлеп, бюджеттік нақтылауға ұсындық. Аудан басшысының қолдауымен 2 шақырымнан асатын қос көшеге жол жабындысы төселуде, — дейді Нұрсұлу Лутфуллақызы өз сөзінде.
Шоқай ауылы ауыл болып аталғалы бері асфальттанбаған көшелердегі қазіргі қарбаласқа тұрғындар ризашылығын білдіруде.
Жамбыл ауданы әкімдігі