Жуырда Талас ауданы, Ойық ауылында
Мемлекет және Қоғам Қайраткері Д.Қонаевты еске алуға арналған спартакиада өтті. Тараз қаласы мен аудандардан келген жарысқа қатысушы 11 команда спорттың 6-түрінен сынға түсті.
Аталмыш сайыстың қорытындысы бойынша ауданымыздан намысын қорғаған спортшылар бірқатар спорт түрлерінен жеңімпаз атанды. Атап айтсақ, Сарысу командасы кіші футболдан, қой көтеруден 1 — орынды, ал турникке тартылудан 1-ші және 3-шы орындардарды жеңіп алып, жалпы команданда 2-орынды иеленді.
Жеңімпаздар кубок және қаржылай сыйлықтармен марапатталды. Айта кетейік, жыл сайын дәстүрлі түрде ұйымдастырылып жатқан спартакиадада ауданымыздың спортшылары 2023 жылы футболдан, 2024 жылы арқан тартудан 1-ші орын алған болатын.
Жүзден жүйрік, мыңнан тұлпар шыққан спорт сайыпқырандарын жарқын жеңістерімен құттықтаймыз.
