ҚР Президенті Нұрсұлтан Назарбаев Астанада жаңадан ашылған «Almaty balabaqshasy» балабақшасына барды.
Елбасы Астана қаласының сол жағалауында орналасқан 240 орындық жаңа балабақшаны аралап көрді.
Айта кетерлігі, «Almaty balabaqshasy» балабақшасы 12 топтан тұрады. Әрбір топтың Алматы қаласымен байланысты тақырыптық атаулары бар. Балабақша интерьерінің дизайны Алматының белгілі көшелерімен және даңғылдарымен танысуға, сондай-ақ қала тарихы жөнінде мағлұмат алуға мүмкіндік береді.