Өңірде мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі ұлғаюда. Мәселен, бүгінгі күні облыстағы жалпы мал саны 4,7 млн. басты құрап, өткен жылмен салыстырғанда 6,8%-ке артса, оның ішінде мүйізді ірі қара саны — 5,2%, қой мен ешкі — 7,1%, жылқы — 9,3% артты.
Қазіргі уақытта аймақта асыл тұқымды 117,3 мың бас мүйізді ірі қара мен 871,3 мың бас қой болса, олардың үлесі тиісінше 24,3% және 27,2% құрайды.
Одан бөлек, жыл басынан бері мал шаруашылығы саласында 139 554,6 млн. теңгенің өнімі өндіріліп, өткен жылмен салыстырғанда 8,1 процентке артты. Мал шаруашылығындағы өнімдердің артуына ет өндірісінің — 4,9%-ке, сүт өндірісінің — 1,4%-ке өсуі әсер етті.