Алдағы күндері Астанада алғашқы қар жауады деп хабарлады turkystan.kz Қазгидрометке сілтеме жасап.
Қазгидромет синоптиктерінің болжамынша, жазғы ыстық ауа райы әлі де сақталады, бірақ келесі аптаның басында күзгі жаңбырлы салқын ауа райы күтіледі.
24-25 қыркүйекте Астанада көшпелі бұлт болады, жауын-шашынсыз, оңтүстік-батыстан соғатын желдің жылдамдығы секундына 2-8 метрге жетеді. Күндіз кей жерлерде ауа температурасы 31 градусқа дейін көтерілсе, түнде 10-13 градусқа дейін төмендейді.
26 қыркүйекте әлдеқайда салқын болады – күндіз 20 градусқа дейін, түнде 13-15 градусқа дейін. Жаңбыр жауып, найзағай ойнайды, жел секундына 9-14 метрге дейін күшейеді.
27 қыркүйекте күндіз 14 градус жылы, түнде 9 градус жылы, кейде жаңбыр жауады, желдің екпіні секундына 20 метрге дейін күшейеді.
28 қыркүйекте күндіз 8 градус жылы, түнде 3 градус жылы, өткінші жаңбыр жауып, қар жаууы мүмкін, сондай-ақ солтүстік-шығыстан секундына 9-14 метр жылдамдықпен жел соғады.
29 және 30 қыркүйекте күндіз 8 градусқа дейін жылынады, бірақ түнде алғашқы аяздар келеді – жауын-шашынсыз, 0 градусқа дейін төмендейді деп күтіледі.
Барлық құқықтар қорғалған. baq.kz белсенді сілтемені пайдаланыңыз: https://baq.kz/aldagy-kunderi-astanada-qar-zhauady-qazgidromet-288022/