Қала тазалығы қашанда айрықша маңызға ие. Себебі, таза қала жанға жылу сыйлап, оң көзқарас қалыптастырады. Бұл бағытта облыс орталығында қолға алынған ілкімді істер аз емес.
Әрине, Тараз – ортақ мекеніміз болғандықтан оның тазалығына баршамыз бірдей жауаптымыз. Әсіресе, кәсіпкерлік нысандардың иелері сол жауапкершілікті сезініп, шаһар тазалығына атсалысуы қажет. Алайда, осыны кейбір кәсіп иелері әлі жете түсінбейтіні жасырын емес. Дегенмен, тазалыққа немқұрайлы қарамайтындар да бар. Солардың бірі – «Дос-Нар» сауда үйінің қызметкерлері нысанның айналасын ретке келтіріп, күл-қоқыстан тазартып, көпке үлгі көрсетті.