Мемлекет басшысы Қасым-Жомарт Тоқаевтың «Халық үніне құлақ асатын Үкімет» тұжырымдамасын іске асыруда аудан басшылығы әркез тұрғындардың тілегін тыңдап, мәселелердің оң шешімін табуына ықпал етуде.
Бүгін «AMANAT» партиясы аудандық филиалында аудан әкімі Сәкен Мамытов азаматтардың жеке сұрақтары бойынша қабылдау өткізді.
Қабылдауға келген азаматтар түрлі мәселелер бойынша өтініштерін білдірді. Басым бөлігі тұрғын — үй, әлеуметтік көмек, жұмысқа орналасу сынды сұрақтарымен қайырылды.
Тұрғындардың тілегін тыңдаған аудан басшысы мәселелердің шешілуін заң талаптарына сәйкес түсіндіріп, жауапты басшыларға тиісті тапсырмалар берді.