Екібастұз қаласында «Пирамиса» сауда үйі өртенді.
«Бүгін Екібастұз қаласындағы Мәшһүр Жүсіп көшесінде екі қабатты сауда үйінде өрт шықты. Жалын жиһазға, сауда жабдықтарына, заттарға және қабырғаларға зақым келтірген. Жалпы аумағы 200 шаршы метр аумақты қамтыған. Өрт сөндірушілердің жедел әрекеттерінің арқасында өрт қысқа мерзімде сөндірілді», — деп хабарлады Павлодар облысы Төтенше жағдайлар департаментінің баспасөз қызметінен.
Өрттен зардап шеккендер жоқ. Оқиға кезінде ғимаратта ешкім болмағандықтан, эвакуация шаралары жүргізілмеген. Мамандар оқиғаның себеп-салдарын анықтап жатыр.
https://turkystan.kz/article/258271-ekibastuz-qalasynda-sauda-uii-ortendi