Бұған дейін Жамбыл облысы әкімінің баспасөз хатшысы-баспасөз қызметінің жетекшісі қызметін атқарып келген Данияр Асқарұлы енді облыстық «Ақ жол», «Знамя труда» және «Арай» газеттерін және «Jambylinfo» ақпараттық агенттігін біріктіріп отырған «Aulieata-media» ЖШС-не басшылық ететін болады.
Данияр Асқарұлы 1993 жылы 24 қазанда Жамбыл облысы, Жуалы ауданында дүниеге келген. Білімі жоғары. Отбасы, үш бала тәрбиелеп отыр.
Еңбек жолын 2013 жылы РТРК «Қазақстан» АҚ ЖОФ журналист – редактор болып бастаған ол әр жылдары «TarazPost» ақпарат агенттігінің бас редакторы, «QAZAQSTAN» ұлттық телеарнасының Жамбыл облысы бойынша меншікті тілшісі қызметтерін атқарған.
2021 жылдан бастап бүгінге дейін Жамбыл облысы әкімінің баспасөз хатшысы – баспасөз қызметінің жетекшісі лауазымында еңбек етіп келді.