Мойынқұм ауданына Жамбыл облысы әкімдігі ішкі саясат басқармасының бұқаралық ақпарат және мониторинг талдау бөлімінің басшысы Асылжан Құрманов және «Қазтелерадио» облыстық филиалының бас маманы Ерғали Иманбек жұмыс сапарымен барды, – деп хабарлайды «08info» ақпарат агенттігі.
Өздеріңізге белгілі, аналогты телерадио хабар таратудың уақытысы аяқталуға тәмам. Қазіргі цифрлы заманда барлық хабар таратулар цифрлық жүйеге өтеді. Сапардың басты мақсаты ауыл тұрғындарымен кездесіп, осы жылдың соңына дейін істен шығатын аналогты телевизия туралы түсіндірме жұмыстарын жүргізуге бағытталды.
Бұдан бұрын 2-3 каналдық антенналардың өшетіні туралы хабарламаны «Мойынқұм таңы» аудандық газетіне жарияланған болатын. А.Құрманов жиын барысында өнімді жариялау емес цифрлы телевизияға көшу маңыздылығын түсіндіру сапарларының басты мақсаты екенін тілге тиек етті.