Әлеуметтік желіде Алматы іргесіндегі ауылдардың бірінде әйел өлі табылғаны туралы ақпарат тарады.
Әлеуметтік желідегі ақпаратқа сәйкес, таксимен кетіп қалған әйел таңертең Қызыл Қайрат ауылындағы қараусыз қалған зауыт маңынан өлі табылған.
«Полиция көліктері, жедел жәрдем көлігі келді. Екі қыз қатты айғайлап жатты», — дейді куәгерлер.
Алматы облысының полиция департаментінің өкілдері марқұмның 56 жаста болғанын айтты. Мәйіттің табылуына қатысты қылмыстық іс қозғалды.
«Қазір оқиғаның мән-жайын объективті анықтау үшін барлық қажетті тергеу әрекеті жүргізіліп жатыр. Алдын ала мәліметтер бойынша зорлық-зомбылық белгілері табылған жоқ», — деп хабарлады ведомство өкілдері.
Еске салайық, бұған дейін Алматыдағы жекеменшік мектеп жанынан көліктен 29 жастағы жігіттің мәйіті табылған болатын. Марқұм достарына қоңырау шалып, басының қатты ауырғанын айтқан.
С. Бөлек
Фото: Tengrinews.kz/ Тұрар Қазанғапов
https://massaget.kz/news/almatyida-karausyiz-kalgan-zauyit-manyinan-ayel-ol-tabyildyi-122115/?fbclid=IwY2xjawHOLXFleHRuA2FlbQIxMQABHdJt_4Yw9HnASTooazZ1Pj3wDv6XrjInwmlOzsg5KsAzzi8a25uSdtaRKg_aem_v1V1lkxGAR3EQyP5ByF5Ew