Ақтөбеде көлігіне 2 мемлекеттік нөмірді ауыстырып таққан тұрғын ұсталды: 26 желтоқсан 2025, жаңалықтар Turkystan.kz
Ақтөбе қаласында патрульдік полиция қызметкерлері шетелдік тіркеуде тұрған Infiniti автокөлігін тоқтатты. Тексеру барысында көліктің жүк салғышынан көршілес мемлекеттің екінші мемлекеттік тіркеу нөмірі табылды, деп хабарлайды turkystan.kz.
Жүргізушінің жол қозғалысы ережелерін бейнебақылау камералары арқылы тіркелуінен жалтару мақсатында мемлекеттік нөмірлерді ауыстырып отырғаны анықталды. Камера жазбаларын тексеру барысында екі түрлі нөмірмен жол қозғалысы ережесін бұзудың 26 дерегі тіркеліп, айыппұл сомасы 700 мың теңгеден асты.
Сонымен қатар деректер базасы бойынша жүргізілген тексеру кезінде Қазақстан Республикасында тіркелген тағы бір Infiniti автокөлігінің бар екені анықталды. Аталған екі автокөліктің VIN-кодтары бірдей болып шықты, яғни олар егіз-көлік ретінде тіркелген.
Екі автокөлік те полиция бөлімінің аумағына қойылып, барлық мән-жайларды анықтау үшін тиісті сараптамалар тағайындалды. Қазір осы дерек бойынша толық тексеру жүргізілуде.
Бөлісу:
Серіктес жаңалықтары
Алматы метросының жаңа желілерін шетелдік мердігерлер салуы мүмкін
«Қолында түгі жоқ жігітке шықтым»: Мөлдір Мұқанның сөзі жұрттың ашуын тудырды
Жаңа Құрылыс кодексінде сейсмикалық қауіпсіздікке қатысты арнаулы нормалар енгізіледі
«10-ақ минутта жаздым»: Жүрсін Ерман Асанәлі Әшімовтің ұлдарына арнаған әні туралы (ВИДЕО)
Мектеп директорлары енді 10 жылдан артық қызметте отыра алмайды
Алматы метросының жаңа желілерін шетелдік мердігерлер салуы мүмкін