«Маңғыстау облысының әкімдігі» Telegram-чат-каналына ауыз судың жоқтығына наразы қала тұрғындары толассыз сауалдар жолдауда деп хабарлады turkystan.kz mangystaumedia.kz-ке сілтеме жасап.
Тұрғындардың айтуынша, жауаптылар бүгін 22-шағын ауданда су болады деп уәде берген. Бірақ бүгін екінші күн, су әлі берілмеген.
-12 сағаттан бері «КЖСА» мекемесінің кінәсінен үйлерде су жоқ. Жөндеу жұмыстары сағат 05.00-де аяқталады деп уәде берді, кейін жөндеу жұмыстары сағат 10.00-де аяқталатындығын хабарлады, бірақ су кейін болады деді. Су таситын көліктер қайда? Адамдар қалай өмір сүреді? Біздің үйде де су жоқ, – дейді қала тұрғыны.
Ақтауда ауыз судың жоқтығына байланысты «Каспий жылу, су арнасы» МКК («КЖСА») түсініктеме берген.
– Ауыз судың магистральдық құбырындағы жөндеу жұмыстарына байланысты су уақытша ажыратылды, қазіргі уақытта жөндеу жұмыстары аяқталды, құбырлар толтырылып жатыр. Сағат 13.00-де сумен жабдықтау жаңартылады, – деді «КЖСА» МКК директорының орынбасары Ислям Үсенов.