instagram/serikbay_janybekov
Ақмола облысындағы Қорғалжын ауылына қызғылт қоқиқаздар ұшып келді. Жергілікті тұрғындардың бірі құстарды видеоға түсіріп алған.
«Қызыл кітапқа енген сирек құстардың бірі – алқызыл қоқиқаздар. Жазда ұшатын аз ғана өңірдің бірі – біздің Қорғалжын», – деді видео авторы Серікбай Жаныбеков.
Айта кетейік, қоқиқаздар көктемде еліміздің солтүстік өңіріндегі Теңіз көліне және Торғай өңіріндегі бірнеше көлге және Каспий теңізінің солтүстік-шығыс жағалауына ұшып келеді. Қазан-қараша айларында Иран, Ауғанстан, Пәкістанға ұшып кетеді. Қызғылт қоқиқаздың дене тұрқы жұмырланып келген, аяқтары мен мойыны ерекше ұзын болады. Олар – дүниежүзіндегі аяғы ең ұзын құстардың бірі.
https://turkystan.kz/article/244375-akmola-oblysyndagy-auylga-kyzgylt-kokikazdar-ushyp-keldi-video