Қазақстан Республикасы Президенті жанындағы Мемлекеттік басқару академиясы Жамбыл облысы бойынша филиалында «АДАМ РЕСУРСТАРЫН ДАМЫТУ» орталығы ашылды.
⠀Ашылу салтанаты барысында Мемлекеттік басқару академиясының Жамбыл облысы бойынша филиалының директоры Рауан Нұрғалиұлы Адам ресурстарын дамыту орталығы қызметкерлерді оқыту, олардың мансаптық өсуі, өнімділікті басқару және дамыту, коучинг, тәлімгерлік, сабақтастықты жоспарлау, негізгі қызметкерлерді анықтау, оқытуға көмек және ұйымды дамыту сияқты мүмкіндіктерді қамтидығын атап өтті.
⠀Қазақстан Республикасы Мемлекеттік қызмет істері агенттігінің Жамбыл облысы бойынша департаментінің басшысы Илебаев Лесбек Құралбайұлы баяндамада осы орталықтың мемлекеттік органдарға, персоналды басқару қызметіне және Әдеп жөніндегі уәкілдер үшін диалог алаңы болып табылатындығын айтты.
⠀Іс-шараға «Банк ЦентрКредит» акционерлік қоғамының орталық бөлімше басшысы Лаура Болысбекқызы Оспанова қатысып, адами ресурстарды тиімді басқару, персоналды басқарудағы инновациялармен таныстырды.
Адам ресурстарын сапалы қалыптастыру және тиімді пайдалануды қамтамасыз ету бойынша жұмысты ұйымдастыру, персоналды бағалау жүйесін қалыптастыру және дамыту, қызметкерлерді кәсіби оқыту жүйесін қалыптастыру және дамыту, қызметкерлердің құзыреттілігін дамыту және ынталандыру, тұрақты ұжым құруға қатысу туралы ақпараттарды практикалық деңгейде айтып шықты.
⠀Кездесуге қатысушылар арасындағы әңгіме еркін форматта өтті. Алдағы уақытта осындай диалогтық кездесулерді адам ресурстарын дамыту орталығында тоқсан сайын мемлекеттік қызметтегі персоналды басқару қызметкерлерімен өткізу жоспарлануда.