Фото: коллаж Stan.kz

Алматы метросының «Жібек жолы» аялдамасында техникалық ақаулар орын алды деп жолаушыларды метроға кіргізбей қойған. Тұрғындар 45 минут бойы метроны күткендеріне шағымдануда.

«Сағат 22:27-де техникалық ақауларға байланысты метро жабылды», – делінген желіде тараған ақпаратта.

Алматыда метро салу кезінде 5 миллиард теңгеден астам қаражат жымқырғандарға сот үкімі шықты

Алматы метрополитенінің баспасөз қызметі жағдайға қатысты түсініктеме берді.

«Сағат 21:54-те техникалық себептерге байланысты метрополитен пойыздарының қозғалысы тоқтатылды.Мамандар қажетті сараптама жүргізді. Пойыздарда жолаушылар болған жоқ, барлығы перрондарға шығарылды. Алматы метрополитені келтірілген қолайсыздықтар үшін кешірім сұрайды», – делінген ресми хабарламада.

Метро қозғалысы сағат 22:46-да қалпына келтірілген.

Еске салсақ, бұған дейін Алматыда метро қызметкерлері сапасыз тежегіш төсемдерінің алынғанына наразылық білдіргені туралы жазған едік.

https://stan.kz/almati-metrosi-tehnikalik-akaularga-baylanisti-toktap-k-402566/