Кәсіпке деген махаббат
Су шаруашылығы қызметкерлері күніне орай министрлігімізде сала дамуына елеулі үлес қосқан мамандарды салтанатты түрде марапаттау рәсімі өтті.
Жиында су шаруашылығы саласының қызметкерлерін кәсіби мерекемен құттықтап, ведомстволық наградалар, Құрмет грамоталары мен Алғыс хаттарды табыстадым.
Айта кетсем, су шаруашылығы қызметкерлері күніне арналған салтанатты іс-шаралар еліміздің барлық өңірінде ұйымдастырылды. Жалпы саны 266 маман марапатталды.
14 маман «Еңбек ардагері» медалімен, 7 маман «Су шаруашылығының ардагері» медалімен, 36 қызметкер «Су шаруашылығының үздігі» төсбелгісімен наградталды.
Сондай-ақ, 96 адам Құрмет грамотасымен, 113 маман Алғыс хатпен марапатталды.