МӘЖІЛІС ДЕПУТАТЫ ҰСТАЗДАРМЕН ЖОЛЫҚТЫ
Жұмыс жоспарына сәйкес Қазақстан Республикасы Парламенті Мәжілісінің депутаты Мұқаш Зұлқарнайұлы Ескендіров Қаратау қаласындағы А.С.Пушкин атындағы орта мектебінде болды.
Кездесу барысында халық қалаулысы ұстаздар тарапынан көтерілген барлық мәселелерді егжей — тегжейлі тыңдап, сауалдарына нақты жауап берді.![]()
Осы кездесу барысында мәжіліс депутаты еліміздегі қаралып жатқан заң жобалары мен мәжіліс жұмысының барысы туралы ақпаратқа тоқталды.
Әріптестеріміз депутатқа мұң-мұқтаждарын айтып, ұсыныс тілектерін білдірді. Сөз соңында Мұқаш Зұлқарнайұлы кездесулерде көтерілген мәселелер мен сұрақтардың барлығына заң аясында жан-жақты түсіндірді. Алдағы уақытта тұрғындар үшін түйткілді мәселелер мен сауалдарды назарына алатынын айтты.![]()
Оқу ғимаратын аралап, мектептің материалдық-техникалық базасымен танысқаннан кейін, ұстаздар қауымы және оқушылар құрамымен арнайы кездесу өткізді.![]()
Кездесу аясында бүгінгі таңда білім саласына баса назар аударылып жатқандығының мәні мен маңызы сөз болып, көпшілік көкейіндегі сұрақтарға нақты жауаптар берілді.![]()
Мақсат Қазанғапов,
Талас аудандық білім бөлімінің басшысы