Бишімбаев ісі: Экс-министрді қанша жылдық жаза күтіп тұр
Сурет Бишімбаевтың желідегі парақшасынан
Астана қалалық полиция департаментінің баспасөз қызметі мейрамханалардың бірінде Салтанат Нүкенованың өліміне қатысты қылмыстық іс қозғалғанын мәлімдеді.
«Астанадағы мейрамханалардың бірінде әйелдің өліміне қатысты оқиғаны елордалық полиция департаменті ҚР Қылмыстық кодексінің 99-бабы 1-бөлігі бойынша тергеп жатыр», — делінген хабарламада.
Ал қылмыстық кодекстің «Адам өлтіру» 99-бабының 1-тармағында: «Адам өлтіру, яғни басқа адамның заңсыз қасақана өліміне әкеп соғу сегіз жылдан он бес жылға дейінгі мерзімге бас бостандығынан айыруға жазаланады», – делінген.
Еске салсақ, бұрынғы экономика министрі Қуандық Бишімбаев әйелін ұрып өлтірді деген күдікпен ұсталғанын хабарлаған едік. Бұрын сыбайлас жемқорлық айыбымен 10 жылға сотталған экс-шенеунік түрмеден мерзімінен бұрын босап шыққан.https://stan.kz/ayelin-yrip-oltirdi-degen-kudikte-eks-ministr-bishimbae-390991/