«Қар жауады»: 6-8 сәуірге арналған ауа райы болжамы
«Қазгидромет» РМК 6-8 сәуірге арналған ауа райы болжамын ұсынды, деп хабарлады turkystan.kz.
Атмосфералық фронттардың әсерінен еліміздің басым бөлігінде ауа райы құбылмалы болады: 6-8 сәуірде оңтүстікте, 7-8 сәуірде оңтүстік-шығыста жаңбыр жауады.
«7 сәуірде Скандинавия аудандарынан келетін солтүстік-батыс антициклонына байланысты еліміздің солтүстік-батысы мен солтүстігінде ауа температурасы күрт төмендейді. Сондай-ақ жаңбырдың арты қарға ұласуы мүмкін», – дейді синоптиктер.
Қазақстан бойынша жел күшейеді, оңтүстік өңірлерде тұман, шаңды дауыл мен найзағай, солтүстікте, солтүстік-батыста көктайғақ болуы ықтимал.