ОҚ ДӘРІЛЕРДІҢ СЫНЫҚТАРЫН ЖОЮ ЖҰМЫСТАРЫ ЖАЛҒАСАДЫ
3 сәуірден бастап Жамбыл облысының Байзақ ауданындағы әскери бөлім және оған жақын орналасқан аумақтарды оқ-дәрі сынықтарынан қайта тазалау жұмыстары басталады. Бұл жұмыстарды «Оңтүстік» өңірлік қолбасшылығына қарасты әскери-инженерлік және саперлік бөлімшелерінің біріккен жою топтары жүргізеді.
Жарылыс жұмыстарын жүргізу және жарылғыш заттарды жою үшін арнайы бөлінген алаң елдімекендер мен әскери бөлімнен алыс орналасқан. Жамбыл облысы Байзақ ауданындағы аумақты оқ-дәрі сынықтарынан қайта тазарту жұмыстары қараша айының соңына дейін жалғасады.