Болат Назарбаев зауытының 31,9% акциясын мемлекетке қайтаруға міндеттелді

Жоғарғы Соттың азаматтық істер жөніндегі сот алқасы Қаржы министрлігінің Мемлекеттік мүлік және жекешелендіру комитеті Болат Назарбаев пен «РLS-ТМ» ЖШС-нің «Алматы ауыр машина жасау зауыты»АҚ Бағалы қағаздарды сатып алу-сату шартының бір бөлігін жарамсыз деп тану туралы талабы бойынша азаматтық істі қарады.

Істі әртүрлі сатыдағы соттар бірнеше рет қарады. 2011 жылдың ақпан айында Алматы қаласы Әуезов ауданының №2 соты комитеттің талабын қанағаттандырды. Бұл шешіммен Алматы қалалық сотының апелляциялық және кассациялық сот алқалары келісті. Алайда, 2012 жылдың жазында Жоғарғы Соттың қадағалау сот алқасы сот актілерінің күшін жойып, істі қайта қарау үшін бірінші сатыдағы сотқа жіберді. Бұл жолы Алматы қаласы Әуезов ауданының №2 аудандық соты Комитетке талапты қанағаттандырудан бас тартты. Алматы қалалық сотының азаматтық және әкімшілік істер жөніндегі апелляциялық сот алқасы бұл шешімді өзгеріссіз қалдырды. Алайда оны ағымдағы жылы Бас прокурор наразылық білдіруге шешім қабылдады.

Болат Назарбаев пен Мемлекеттік мүлік комитетінің өкілдері сот отырысына келген жоқ. Бас прокурордың дәлелдерін зерттей келе, Жоғарғы сот алқасы даулы сот актілерін кассациялық тәртіппен қайта қараудың айрықша негіздері бар деген қорытындыға келді.

Дереккөз: informburo