«Төбелескен адамдарды ұрды»: ІІМ ақтөбелік полицейлердің әрекетіне түсініктеме берді

Бұған дейін БАҚ полицейлер Ақтөбе қаласындағы «Ұлытау» мейрамханасында төбелеске қатысушыларды ұстау кезінде оларды «ұрғаны» туралы материал жариялаған болатын.

«Жарияланымға байланысты жанжалға қатысушыларды ұстаған полиция қызметкерлерінің бейнежетондарынан алынған жазбалар талданды.
Осыған байланысты төмендегіні хабарлаймыз. 2022 жылдың 31 желтоқсанында сағат 01.35-те Жедел басқару орталығының 102 телефонына Ақтөбе қаласы, Бөгенбай көшесі, 17 мекенжайында орналасқан «Ұлытау» мейрамханасының жанында төбелес болып жатқаны туралы хабарлама келіп түсті. Оқиға орнына дереу полицияның біріктірілген бөлімшелері жіберілді», — деді полицияда.

Төбелескендер мас болған және келген полиция қызметкерлерінің ескертулерін елемей, өзара жанжалды жалғастырған.

“Полиция келгенге дейін өзара кикілжің кезінде «ер» мен «әйел» бір-бірін ұрған. Оның үстіне қақтығысқа қатысушылар ұстауға белсенді қарсылық көрсетті. Олардың барлығы полиция бөліміне жеткізілді. Полицейлер тарапынан мейрамханада да, ұстау кезінде де шабуыл жасау фактілері анықталған жоқ», — деп атап өтті полицияда.

Қоғамдық тәртіпті бұзғаны және айналасындағыларды құрметтемегені үшін төрт адамға қатысты Қазақстан Республикасы Әкімшілік құқық бұзушылық туралы кодексінің 434-бабы «Ұсақ бұзақылық» бойынша әкімшілік хаттамалар толтырылды.

https://stan.kz/tobelesken-adamdardi-yrdi-iim-aktobelik-policeylerdin-a-375589/