Ақтауда қос қабатты ғимарат өртке оранды
Өртті сөндіруге қазіргі таңда 5 техника мен 20 адам жұмылдырылған.
Ақтау қаласында қос қабатты ғимараттан өрт шықты, деп хабарлайды ҚазАқпарат.
«2 желтоқсан сағат 14:10-да Маңғыстау облысы Төтенше жағдайлар департаментінің Дағдарыс орталығына 3-шағын аудандағы 69-ғимараттың артында өрт шығып жатыр деген хабарлама келіп түсті. 2-ші шақырту расталды. Өрт сөндіріліп жатыр. Шамамен жану аймағы – 350 шаршы метр», — деді Актау қаласы Төтенше жағдайлар басқармасының бастығы Жандос Кенжебаев.
Өртті сөндіруге қазіргі таңда 5 техника мен 20 адам жұмылдырылған. Зардап шеккендер жоқ.