Әлеуметтік желіде танымал блогер Ұлдана Жиенқұл қазақ кино өнерінің аңызы, таяуда ғана өмірден өткен халық әртісі Асанәлі Әшімовке қатысты даулы пікір білдіріп, қоғамда үлкен резонанс тудырды.
Блогер өз жазбасында әйгілі «Қыз Жібек» көркем фильмінде Бекежан бейнесін сомдаған актердің жеке тағдырын халық арасындағы наным-сенімдермен байланыстырып, оның «баласыз қалуын» қарғысқа теліген. Ол бұл ойына Асанәлі Әшімовтің өз сөздерін негіз етіп, қазақ халқында «тұқымыңмен бірге құрып кет» деген ауыр қарғыс бар екенін алға тартып, актердің өмір жолын осы ұғыммен сабақтастырған.
Алайда аталған мәлімдеме желі қолданушыларының қатты наразылығын туғызды. Көпшілік блогердің пікірін орынсыз, негізсіз әрі марқұмның рухына құрметсіздік деп бағалады. Әсіресе, өнер иесінің жеке өмірін көпшілік алдында талқылап, оны теріс түсініктермен байланыстыру әдепке жатпайды деген сын жиі айтылды.
Желіде блогердің сөзін айыптаған пікірлер көбейіп, пайдаланушылар мұндай мәлімдемелер қоғамда адами құндылықтарға қайшы көзқарас қалыптастыруы мүмкін екенін атап өтті.