Ташкент – Қорғас автожолы жөнделіп жатыр

Жетісу облысында «ӨР шекарасы (Ташкентке) – Шымкент –  Тараз – Алматы – Қорғас», Көкпек, Көктал, Қайнар арқылы өтетін автожолдың 291-306 шақырымында орташа жөндеу жұмыстары жүргізіліп жатыр, деп хабарлайды turkystan.kz.

Жөндеуден өтіп жатқан учаскенің ұзындығы 15 шақырымды құрайды.

Жобаны жүзеге асыру үшін 13 бірлік арнайы техника және 18 маман жұмылдырылды.

Бүгінгі күні келесідей жұмыстар атқарылды:

• 10 шақырымда төменгі қабат төселді;
• 15 шақырымда толық тегістеу жұмыстары жүргізілді;
• 20 тұрақты жол белгілері орнатылды.

Бұл учаскедегі жөндеу жұмыстары өткізу қарқындылығы мен қауіпсіздік деңгейін арттырып, жол қозғалысына қатысушыларға қолайлы жағдай жасамақ.