Санкт-Петербургте өзбек жанкүйерлері көп, олар да менің айқасымды асыға күтіп отыр.
6 қазан күні Санкт-Петербургте өтетін «IBA.PRO 10» турнирінде Жалолов Ресей боксшысы Виталий Кудуховпен (7-3, 3 KO) шаршы алаңға шығады.
«IBA Pro 10 турнирінде қайта оралғаныма өте қуаныштымын. Құдай қаласа, жанкүйерлерге әдемі жекпе-жек сыйлап, өзімнің мықты қырларымды көрсетемін.
Менің мақсатым – суперауыр салмақта әлем чемпионы болу. Өз тәжірибемнің арқасында мықтылармен жұдырықтасуға лайықпын деп сенемін. Санкт-Петербургте өзбек жанкүйерлері көп, олар да менің айқасымды асыға күтіп отыр. Бар күшімді салып, сіздерге тамаша өнер көрсетемін», – деді ол.
Айта кетейік, Жалолов соңғы рет рингке биыл сәуірде Астанада шығып, төрешілердің бірауызды шешімімен Игорь Шевадзукскийді жеңген. Бұл – боксшының Ресейдегі алғашқы кәсіби айқасы болмақ. Бұған дейін ол АҚШ, Өзбекстан, Қазақстан, Мексика және БАӘ-де жұдырықтасқан. Ал қарсыласы Виталий Кудухов соңғы рет тамыз айында Екатеринбургте Вартан Арутюнянға ұпай санымен жол берген еді.
https://1bol.kz/box/9361-ozbekter-kop-bakhodir-zhalolov-reseidegi-zhekpe-zhek-aldynda-m-limdeme-zhasady