Қаржылық сауаттылық – қарызсыз қоғамның кепілі

Қазіргі қоғамда қаржы қыспағына түсіп, жоқшылықтың күйін кешіп жүргендер аз емес. Негізгі себеп – қаржылық сауаттылықтың төмендігі. Бұл – бір адамның емес, тұтас қоғамның проблемасы. Сол себепті «AMANAT» партиясы «Қарызсыз қоғам» жобасын қолға алды. Бұл жоба тек берешекті өтеу емес, қаржылық мәдениетті қалыптастыруды көздейді.

Президент Қасым-Жомарт Тоқаев өз Жолдауларында бұл бастаманың өзектілігіне ерекше тоқталып, қаржылық сауаттылықты арттырудың маңызын атап өтті.

Бүгін облыс әкімі Ербол Қарашөкеевтің төрағалығымен өткен аппараттық кеңесте «Отбасының цифрлық картасын» өзектендіру және осы жобаның өңірдегі жүзеге асу барысы талқыланды. Жиында маңызды жобаны іске асыру, халықты ақпараттандыру бойынша аймақтарда қалыптасқан мәселелерді көтердім.

Бүгінде өңірде 90 күннен астам несие берешегі бар 25 200 азамат тіркелген. Бүгінде олардың 21489-ы қаржылық сауаттылық курстарынан өтті. Ал Bitrix24.kz платформасына тіркелгендердің 8 295-іне кеңес берілді.

Ең бастысы – тұрғындардың өзгеруге, үйренуге, қаржысын басқаруға деген ниет бар. Ал бұл – оң өзгерістің бастамасы.

#AMANAT #JambylAmanat

Қаржылық сауаттылық – қарызсыз қоғамның кепілі

Related Posts