Дезинфекциялау жұмыстары жүргізілді

20

Шартарапты алаңдатқан алып індет коронавирус күн санап өршуі сақтық шараларын күшейтуді талап етеді. Мұндайда «ауырып ем іздегенше, ауырмайтын жол ізде» — деген нақыл сөз еріксіз еске түседі. Пандемияның жайылуының алдын алу шараларына қатысты Жамбыл облысы бойынша қылмыстық-атқару жүйесі департаменті және оған қарасты мекемелерінде сақтық шаралары алғашқы күннен бастап күшейтілген.

Осыған байланысты, өңірлік ҚАЖ департаментіне қарасты барлық мекемелерде аурудың алдын алу шаралары қолға алынған. Күні кеше ЖД-158/2 мекемесінде індеттің таралуын болдырмау мақсатында мекеме аумағын дезинфекциялау жұмыстары жүргізілді. Аталған залалсыздандыру шаралары мекеме бастығының жалпы сұрақтар бойынша орынбасары, әділет подполковнигі Бақытжан Қасымбековтың тапсырмасымен қолға алынды.

Бұл жұмыстар барысында ішкі аймағына және сыртқы кабинеттердің аумақтары залалсыздандырылды. Осылайша, ЖД-158/2 мекемесі қауіпті дерттің таралуын алдын алуға барынша жағдай жасауда.

Leave A Reply

Your email address will not be published.